Բժշկագիտությունն անսպասելի բացահայտում է արել սեռավարակային հիվանդություններից պաշտպանվելու հարցում:

Վարսակը, որն, ի դեպ, անգլիական խոհանոցի դասական սննդամթերքներից է, օգտակար է և սննդարար: Այն պարունակում է շատ վիտամիններ ու հանքային նյութեր: Նրա շիլայի կանոնավոր օգտագործման դեպքում բարելավվում է մարսողությունը, ստամոքսի և աղիների աշխատանքը:

Այդ մասին վաղուց գիտեինք բոլորս, բայց ահա պարզվում է, որ այն կարող է պայքարել նաև սեռական ճանապարհով փոխանցվող հիվանդությունների դեմ:

Բանն այն է, որ դրա համար օրգանիզմին անհրաժեշտ է արգինին կոչվող ամինաթթվի մեծ քանակություն: Երբ նրան սպառնում է սեռավարակային հիվանդությունը, դեպի ախտահարման օջախ են ուղղվում մակրոֆագների բջիջներն ու գրոհելով` շրջափակում մանրէների, օրգանիզմի համար վնասակար բջիջների մնացորդների և այլ օտարամարմին մասնիկների գործողությունը:

Բայց քանի որ այդ բջիջներն ակտիվանում են արգինինի մեծ քանակության դեպքում, որն օրգանիզմ է մտնում սննդի հետ, իսկ ամենաշատ արգինին էլ մթերքներից պարունակում է հենց վարսակը, ապա պարզ է դառնւմ վերջինիս օգտագործման հաճախակիացման անհրաժեշտությունը:

Թեև ոչ վարսակի չափ, բայց բավականին արգինին են պարունակում նաև քնջութը, եգիպտացորենը, ընկույզը, խաղողի չամիչն ու շոկոլադը: