Հայաստանի Հանրապետությունից արտահանվող դեղամիջոցների ծավալն անցյալ տարի 2012 թվականի համեմատ աճել է 6.14 տոկոսով եւ կազմել 1781.8 տոննա։ Արտահանված դեղամիջոցների մաքսային ընդհանուր արժեքը գերազանցել է 6.5 միլիոն դոլարը։

ՀՀ կառավարությանն առընթեր պետական եկամուտների կոմիտեի տվյալներով՝ 2012 թվականին մեր երկրից արտահանվել է 1678.8 տոննա դեղամիջոց։

«Արմենպրեսի» հաղորդմամբ, միաժամանակ, նախորդ տարի 2012 թվականի համեմատ 12.64 տոկոսով ավելացել է նաեւ Հայաստան ներկրվող դեղամիջոցների ծավալը՝ 1203 տոննայից հասնելով 1355 տոննայի։

Նախորդ տարի մեր երկրից արտահանված դեղամիջոցների հիմնական մասը (1366,7 տոննա) գնել է Վրաստանը։