Ամուսնալուծված ծնողների երեխաներին գիրացման վտանգ է սպառնում: Ուսումնասիրությունը ցույց է տվել, որ ամուսնալուծված ծնողների երեխաների մոտ 1.54 անգամով մեծանում է գիրացման հավանականությունը: Այս մասին հաղորդում է Meddaily.ru-ն ՝ հղում կատարելով The Daily Mail-ին:

Գիտնականները նման եզրահանգման են եկել, երբ 3166 նորվեգացի աշակերտի են ուսումնասիրել:

Հարկ է նշել, որ ավելի վաղ Ռայսի համալսարանն արդեն խոսել է այդ հարցի շուրջ: Թերևս լիարժեք ընտանիքների երեխաները կարող են պատշաճ սնվել միայն երկու ծնողների վերահսկողության պարագայում:

Իսկ ամուսնալուծության դեպքում երեխաներն ազատ օգտվում են վնասակար մթերքներից և ավելի շատ ժամանակ են վատնում շարժունակություն չպահանջող զբաղմունքների վրա, քանի որ միայնակ ծնողները ժամանակի խնդիր են ունենում: