Հարվարդի ցողունային բջիջների ինստիտուտի գիտնականները պատվաստանյութ են մշակել, որը նվազեցնում է սրտի կաթվածի վտանգը: Այս մասին հաղորդում է ИТАР-ТАСС-ը՝ հղում կատարելով The Daily Telegraph-ին:

Պատվաստանյութի բացահայտման հիմքում մի տեխնոլոգիա է, որն ազդում է մարդու լյարդում առկա PCSK9 գենի վրա, որի աշխատանքի խանգարումները սրտանոթային համակարգում խոլեստերինի բարձր քանակության մեծացմանն են հանգեցնում: Վերջինիս կուտակումը սրտի անոթների ներքին պատերին սրտի կաթվածի վտանգ է առաջացնում:

«Մեր թերապիան առաջարկում է ազդել PCSK9 գենի վրա»,-ասել է հետազոտությունների առաջնորդներից մեկը` պրոֆեսոր Կիրան Մուսունուրուն:

«Մեր հաշվարկներով՝ պատվաստանյութն ընդունակ է 30-ից 90 %-ով նվազեցնել սրտի կաթվածի վտանգը »,-նշել է Մուսունուրուն: