Սրտանոթային հիվանդությունները մահվան հիմնական պատճառն են հանդիսանում ողջ աշխարհում: Ինչպես հաղորդում է Meddaily.ru-ն՝ հղում կատարելով The Huffington Post-ին, Չինաստանի գիտության և տեխնոլոգիաների հետազոտությունների համալսարանի և Հարվարդի հանրային առողջապահության դպրոցի անցկացրած ուսումնասիրության արդյունքները ցույց են տվել, որ ընկույզը կարող է նվազեցնել սրտային հիվանդությունները գրեթե մեկ երրորդով:

Նախորդ ուսումնասիրությունների արդյունքների հիման վրա մասնագետները պարզել են, որ որոշակի չափաբաժնով ընկույզի ամենօրյա օգտագործումը նվազեցնում է սրտանոթային հիվանդությունների ռիսկը 28-29%-ով և այլ հիվանդությունների պատճառով առաջացող մահացությունների ռիսկը՝ 17%-ով:

Ընկույզի օգտակար ազդեցությունը շատ ցածր է միայն շաքարախտի և ինսուլտի ռիսկային գործոնի պարագայում:
Ընկույզը բազմաթիվ վիտամիններ, հանքային նյութեր և չհագեցած ճարպաթթուներ է պարունակում, որոնք իջեցնում են խոլեստերինի մակարդակը և նվազեցնում օրգանիզմում առկա բորբոքային պրոցեսը:

Ավելի վաղ Հարվարդի հանրային առողջապահության դպրոցի աշխատակիցները ուսումնասիրություններ են անցկացրել, թե ինչպես է ընկույզն ազդում ենթաստամոքսային գեղձի քաղցկեղի վրա:

Այն կանայք, ովքեր շաբաթը երկու անգամ մի բուռ ընկույզ են օգտագործել, նրանց մոտ ենթաստամոքսային գեղձի քաղցկեղի զարգացման ռիսկը կրճատվել է 35%-ով: