Գիտնականները ստեղծել են մի սարք, որը վերահսկում է երեխաների քունն ու սենյակային պայմանները, ինչպես նաև կկարողանա կանխատեսել երեխայի արթնանալու պահը: Այս մասին հաղորդում է Meddaily.ru-ն՝ հղում կատարելով The Financial Express-ին:

Հեղինակները տեղեկացրել են, որ սարքը վայրկյանում 16 տարբեր ցուցանիշներ է արձանագրում, դրանց մեջ են ներառվում երեխայի սրտի ռիթմի, մարմնի ջերմաստիճանի, դիրքի, խոնավության մակարդակի, սենյակի աղմուկի և լուսավորության տվյալները:

Sproutling կոչվող նոր սարքը երեք բաղադրիչներից է բաղկացած ՝ հիպալերգիկ սիլիկոնից պատրաստված շնչող և լվացվող թևնոցը, սարքի լիցքավորման անլար շրջանակը, որը վերահսկում է ջերմաստիճանային պայմանները, հատուկ հավելվածը, որը ստացված տեղեկատվությունը հասանելի է դարձնում և հրահանգավորում է տալիս: Բոլոր բաղադրիչները միմյանց են միանում Wi-Fi-ի միջոցով:
tert.am