Nature ամսագրում դեռևս 2005-ին տպագրվել է մի հոդված, որտեղ խոսվել է այն մասին, թե ինչպես է գիտնականներին հաջողվել արդյունավետ պատվաստանյութ մշակել Էբոլա վիրուսի դեմ, գրում է ria.ru-ն։

Էբոլայի դեմ պատվաստանյութը մշակել են Կանադայի և Միացյալ Նահանգների գիտնականները մոտ մեկ տասնամյակ առաջ, սակայն դրանցով չհետաքրքրված դեղագործական ընկերությունները թույլ չեն տվել նրանց անցնելու դրանց կլինիկական փորձարկումներին, հայտնում է New York Times ամսագիրը։

Պատվաստանյութը, սակայն, փորձարկվել է կենդանիների վրա, որոնց մոտ սկսել է ձևավորվել վիրուսի դեմ կայուն իմունիտետ։

Նույնիսկ այն ժամանակ գիտնականները կարևորել են իրենց ուսումնասիրությունները մարդկանց շրջանում այդ հիվանդության վերացման հարցում և հույս են ունեցել երկու տարվա ընթացքում անցնել մարդկանց շրջանում փորձարկումներին։

Ներկայում գիտնականներն աշխատում են Էբոլա վիրուսի դեմ պատվաստանյութի մշակման ուղղությամբ։ Վիրուսն արդեն ավելի քան 4.000 մարդու կյանք է խլել։
tert.am