ՀՀ առողջապահության նախարարությունում նախարար Արմեն Մուրադյանի նախաձեռնությամբ փետրվարի 27-ին կայացավ դեղ ներմուծող և արտադրող ընկերությունների ղեկավարների հետ հերթական հանդիպումը:

Քննարկվեց Հայաստանի Հանրապետության կառավարության 2000 թվականի սեպտեմբերի 20-ի N 581 որոշման մեջ լրացումներ և փոփոխություններ կատարելու մասին որոշման նախագիծը: Փոփոխությունները բխում են Եվրասիական տնտեսական միությանն անդամակցությամբ պայմանավորված դեղերի և դեղանյութերի ներմուծման և արտահանման համար անհրաժեշտ նոր մոտեցումներից:

Ինչպես հայտնում է Հայաստանի Հանրապետության Առողջապահության նախարարության պաշտոնական կայքը, անդրադարձ կատավեց ՀՀ նախագահի հանձնարարականին` «Դեղերի մասին» ՀՀ նոր օրենքում սահմանված կարգով դեղերի մեծածախ իրացման լիցենզիային վերաբերող հարցերին:

Դեղ ներմուծող և արտադրող ընկերություններին առաջարկվեց ներկայացնել դեղերի գների իջեցման նոր մեխանիզմներ: Ընկերությունների ղեկավարների կողմից հնչեցրած կարծիքները հաշվի կառնվեն և կամփոփվեն որոշման նախագծի լրամշակման ժամանակ: