Դրոշմապիտակավորումը հանգեցրե՞լ է դեղերի ստվերային շրջանառության կրճատմանը - Հայաստանի Դեղատներ, Դեղատուն, dexatun

Դեղերի նկարագրություն


Դրոշմապիտակավորումը հանգեցրե՞լ է դեղերի ստվերային շրջանառության կրճատմանը

Դրոշմապիտակավորումը հանգեցրե՞լ է դեղերի ստվերային շրջանառության կրճատմանըՄոտավորապես մեկ ու կես տարի առաջ Հայաստանում ներդրեցին դեղերի համար պարտադիր վերահսկիչ դրոշմապիտակները, որոնք, պաշտոնատար անձանց խոսքով, պետք է կրճատեին ստվերային շրջանառությունը: Ինչ է փոխվել այս մեկ ու կես տարում եւ որքանով է կրճատվել ստվերային շրջանառությունը:

Հայաստանի Դեղ արտադրողների եւ ներմուծողների միության ղեկավար Սամվել Զաքարյանը, պատասխանելով NEWS.am Medicine-ի թղթակցի հարցին, նշել է, որ ԴԱՆՄ-ն երեք ամիսը մեկ ֆինանսների նախարարությանը պաշտոնական նամակ է ուղարկում նույն հարցով, սակայն ոչ մի անգամ պատասխան չեն ստացել:

Որպեսզի ինչ-որ կերպ պարզեն այս հարցը, մասնավոր սեկտորը սկսել է ուսումնասիրել դեղերի 25 խոշոր ներմուծողների եւ արտադրողների վճարած հարկերի մասին տեղեկությունները. այս տարվա տվյալները համեմատել են անցյալ տարվանների հետ եւ պարզել են, որ 2015-ի առաջին կիսամյակի համեմատ, վճարվող հարկերի գումարն աճել է տարեկան միջինը 4.5 տոկսով, իսկ տարվա ընթացքում` 2.5 տոկոսով: Սակայն, ինչպես նշել է Սամվել Զաքարյանը, այդ փոքրիկ աճը կարող է պայմանավորված լինել մի քանի նոր դեղամիջոցի ներդրմամբ եւ բնական տնտեսական աճով, ոչ թե «ստվերից դուրս գալով»:

«Այս տվյալները հազիվ թե հնարավոր է ստվերային շրջանառության նվազման մեծ ցուցանիշ համարել», - ընդգծել է ԴԱՆՄ-ի ղեկավարը` նշելով, որ ինքն առաջվա նման կարծում է, որ դեղերի արտադրության եւ ներմուծման ոլորտը Հայաստանում «ամենամաքուրներից» է եւ այստեղ ստվերային շրջանառություն գործնականում չկա:

Հետաքրքիր է, որ վերջին տարվա ընթացքում առանձին ընկերությունները սկսել են 10-15 տոկոսով ավելի հարկ մուծել, իսկ ուրիշները` 20-26 տոկոսով պակաս. երեւում է` վերջիններիս արտադրության եւ ներմուծման ծավալները կրճատվել են բարդությունների, մրցակցության, ինչպես նաեւ ավելորդ ծախսերի պատճառով, որոնք ենթադրում է վերահսկիչ դրոշմապիտակները:





  0.075470 | 512kb