Դեղերի նկարագրություն


Pfizer-ը բիզնեսը կբաժանի 3 մասերի

Pfizer-ը բիզնեսը կբաժանի 3 մասերիԱմերիկյան դեղագործական ընկերություն Pfizer-ը հայտարարել է բիզնեսի վերակազմակերպման իր որոշման մասին:
Ինչպես ասվում է ընկերության կայքէջում, Pfizer-ը պատրաստվում է բաժանել այն 3 ստորաբաժանումների:

Առաջին հատվածը զբաղվելու է նորարարական դեղերի արտադրությամբ, երկրորդը՝ բժշկական նշանակությամբ սպառողական ապրանքների, այդ թվում, առանց դեղատոմսի վաճառվող պրեպարատների արտադրությամբ, իսկ երրորդն արտադրելու է ընկերության հիմնական դեղագործական պրեպարատները, այդ թվում Viagra և Lipitor:
Նախատեսվում է, որ համախառն հասույթի 75%-ը բաժին է ընկնելու առաջին 2 բլոկերին:

Բացի դրանից Pfizer-ի ղեկավարությունը մինչև 2018թ վերջը պետք է ռազմավարություն մշակի առանց դեղատոմսերի բաց թողնվող դեղերի ստորաբաժանման զարգացման նպատակով: Չի բացառվում, որ ընկերությունը կարող է որոշել վաճառել այն:
Նշենք, որ Pfizer-ի բաժնետոմսերի գինն այս չորեքշաբթի արդեն իսկ ընկել է 0,4%-ով:
2018թ սկզբից սկսած ընկերության կապիտալիզացիան (որոշակի պահի դրությամբ ընկերության գնահատվող արժեքը շուկայում) աճել է 3 %-ով և այս պահի դրությամբ գնահատվում է 219 մլրդ դոլարի չափով:

Պատրաստեց Նարե Հարությունյանը









  0.045821 | 509kb