PwC (PricewaterhouseCoopers)-ն ուսումնասիրություն է անցկացրել`պարզելու բուժօգնության կազմակերպման որակը աշխարհի մակարդակով:

Աշխարհի խոշոր 50 քաղաքների ցանկից հետազոտության հեղինակներն ընտրել են 15 մեգապոլիսներ` զարգացած և զարգացող երկրներից:

PwC-ի` «Առողջապահության արդյունավետության հետազոտություն աշխարհի քաղաքներում» ներկայացրած հաշվետվության համաձայն Մոսկվան զբաղեցրել է 5-րդ տեղը` զիջելով Սիդնեյին, Նյու-Յորքին, Սինգապուրին և Լոնդոնին:
Ինչպես հայտնել է PwC ավագ մենեջեր Դմիտրիյ Յակովլևը, վարկանիշները ստանալու համար խորհրդատուներն իրենց հետազոտություններում կիրառել են քաղաքների պաշտոնական վիճակագրությունները, միջազգային կազմակերպությունների հաշվետվությունները, ինչպես նաև հարցումներ են անցկացրել տեղացի բնակիչների շրջանում (յուրաքանչյուր քաղաքում` 500 մարդ):

Մոսկվան դարձել է լավագույնը բժիշկների հասանելիության առումով, քանի որ պարզվել է, որ տեղի բնակիչների 98 %-ը շաբաթվա մեջ գոնե 1 անգամ այցելում է բժշկի:

Պարզվել է նաև, որ Ռուսաստանի մայրաքաղաքում յուրաքանչյուր 10 000 բնակչին բաժին է ընկնում 41 բժիշկ, և այս ցուցանիշով Մոսկվան զիջել է միայն Նյու-Յորքին և Սիդնեյին:

Եթե նայենք հոսպիտալիզացիայի և ստացիոնար բուժման տևողության ցուցանիշներին, ապա հարկավոր է նշել, որ այդ առումներով մոսկովյան կլինիկաներն որպես լավագույն չեն կարող համարվել, քանի որ բուժքույրերի քանակը բավարար չէ:

Մոսկվան այլ քաղաքներին զիջել է նաև բժիշկների աշխատավարձի մակարդակով:

Մոսկվայի առողջապահության դեպարտամենտը նշել է, որ նրանք հասել են այդ ցուցանիշին և այսօր Մոսկվայի բժշկի աշխատավարձը միջինում կազմում է 117 000 ռուբլի:

Առողջապահության կազմակերպման և բժշկական մենեջմենթի գիտահետազոտական ինստիտուտի տնօրեն Դավիդ Մելիք-Հուսեյնովը հստակեցրել է, որ 2018թ ապրիլի տվյալներով Մոսկվայում աշխատող բժշկի միջին աշխատավարձը կազմել է 138 000 ռուբլի, այն դեպքում, երբ նվազագույն աշխատավարձը 68 000 ռուբլի է:

Համեմատության համար նշենք, որ Շանհայում բժիշկը վարձատրվում է քաղաքում հաստատված միջին աշխատավարձի 436%-ի, Հոնկոնգում՝ 369%-ի, Նյու-Յորքում՝ 222 %-ի, Սինգապուրում՝ 209%-ի չափով:

Սակայն այնպիսի քաղաքներում, ինչպիսիք են Լոնդոնը, Բեռլինը և Փարիզը, նույն ցուցանիշը կազմում է ընդամենը 70 %:

Հետազոտությունն անդրադարձել է նաև կյանքի տևողությանը և պարզել, որ, չնայած բժշկության ոլորտում առկա ձեռքբերումներին, մոսկվացիներն այդ ցուցանիշով զգալիորեն զիջում են այլ մեգապոլիսներին: Պարզվել է նաև, որ Մոսկվայում բավականին բարձր է կազմում մահացությունն աշխատունակ տարիքում:

Օրինակ, ուռուցքաբանության ոլորտում արձանագրված մահացության թվաքանակի գծով Մոսկվան առաջին հնգյակում է, կաթվածներից մահացության գծով՝ հենց առաջին տեղում, և սա այն դեպքում, որ դեռևս տարիներ առաջ քաղաքում մշակվել և կիրառության մեջ է մտել «Инфарктная сеть» նախագիծը, ըստ որի քաղաքը արդյունավետ պայքար է մղում դրա դեմ:

Պատրաստեց Նարե Հարությունյանը