Դեղերի նկարագրություն


Կանայք հաճախ մահանում են սրտի կաթվածից, երբ նրանց բուժող բժիշկը տղամարդ է

Կանայք հաճախ մահանում են սրտի կաթվածից, երբ նրանց  բուժող բժիշկը տղամարդ էԱմերիկացի գիտնականները հայտնում են, որ եթե դուք կին եք, ում մոտ երբևէ անհրաժեշտություն կառաջանա դիմելու շտապօգնություն՝ սրտի կաթվածի կանչով, ապա իմացեք, որ Ձեզ օգնության շտապող բժշկի սեռը մեծ նշանակություն ունի, քանի որ սրտի կաթվածով հիվանդները հաճախ մահանում են, երբ նրանց բուժող բժիշկը տղամարդ է:

Վերլուծությունն իրականացնելու համար հետազոտության հեղինակները վերցրել են տղամարդ և կին բուժող բժիշկների մոտ գրանցված մահացության ցուցանիշները և պարզել, որ կին բժիշկների մոտ սրտային հիվանդություններից մահացություն գրանցած կանանց թիվը կազմել է 12% և 11,8%՝ տղամարդկանց ցուցանիշը:

Տղամարդ-բժիշկների մոտ սրտի կաթվածից մահացել են բուժվող կանանց 13,3%-ը և տղամարդկանց 12,6%-ը:

Այս հետազոտության արդյունքները հրատարակվել են ՛՛Proceedings of the National Academy of Sciences՛՛ ամսագրում, որտեղ և ասվել է, որ հետազոտողները վերլուծության համար դիտարկել են սրտանոթային հիվանդությունների ավելի քան 500 000 դեպք Ֆլորիդայի հիվանդանոցներում, 1991-2010թթ ընկած ժամանակահատվածում:

Մինեսոտա նահանգի համալսարանի պրոֆեսոր, հետազոտության հեղինակ Բրեդ Գրինվուդի խոսքերով այս արդյունքները չպետք է ծայրահեղ ընդունել այնպես, որ սրտային հիվանդություն ունեցող կանայք սկսեն փախուստի դիմել տղամարդ-բժիշկներից, սակայն, միևնույն ժամանակ, շատ կարևոր է, որ տղամարդ-բժիշկները վերանայեն իրենց պրակտիկան այս հարցում և, հաշվի առնելով այս վերլուծությունը, կին հիվանդներին չվերաբերվեն «մատների արանքով»:

Տղամարդկանց և կանանց մոտ սրտային հիվանդությունների նախանշանները բնույթով տարբեր են լինում: Սրտային կաթվածը կարող է տարբերվել իր նշաններով և հավանաբար այդ պատճառով տղամարդկանց ավելի դժվար է հայտնաբերել և ճիշտ լուծել դրա հետ կապված խնդիրները:

Mayo Clinic կայքի հեղինակները պնդում են, որ կանանց մոտ այդ նշաններն, որպես կանոն, ավելի քիչ են արտահայտված և կարող են երկիմաստ մեկնաբանվել:
Սրտի կաթվածի դեպքում կանանց մոտ որպես նախանշաններ կարող են լինել խեղդոցը կամ ցավերը վզի հատվածում: Կրծքում ցավեր կարող են առաջանալ, բայց ոչ այդքան հաճախ, ինչպես տղամարդկանց մոտ:

Հետազոտության հեղինակները որպես խնդրի արագ և արդյունավետ լուծում առաջարկել են ավելացնել կին-բժիշկների քանակը շտապօգնության մեքենաներում:

Պատրաստեց Նարե Հարությունյանը









  0.034273 | 515kb