Քալիֆորնիայի համալսարանի գիտնականները հետազոտել են հայերի ԴՆԹ-ն, ովքեր վերապրել են 1988-ի երկրաշարժը, պարզելով, որ հետտրավմատիկ սթրեսային խանգարումը (ՀՏՍԽ) որոշակի գեների համախմբման արդյունք է:

Գիտնականները հայտնաբերել են, որ առավել վառ արտահայտված ՀՏՍԽ-ով մարդիկ ունեցել են երկու յուրահատուկ գենային տարբերակներ` TPH1 եւ TPH2:

Գեների այդ տարբերակների առկայությունը հանգեցնում է սերոտոնինի արտազատման նվազման, որն ազդում է մարդու վարքի եւ տրամադրության վրա: Դա, ավելի շուտ նպաստում է ՀՏՍԽ ախտանշանների զարգացմանը, հաղորդում ` BBC-ն:

Հետազոտությունը անցկացվել է պրոֆեսոր Արմեն Գենջյանի ղեկավարությամբ, 12 հայկական ընտանիքների 200 անդամների շրջանում, ովքեր վերապրել են 1988-ի ավերիչ երկրաշարժը:

Այս հետազորությունը թույլ կտա ՀՏՍԽ-ով մարդկանց վնասվելու հավանականության մեթոդ մշակել` նրանց մոտ գեների այդ տեսակների առկայությամբ պայմանավորված:

Գենջյանի խոսքով, նման անալիզը կարող է օգտակար լինել բանակում` զինվորականների շրջանում ՀՏՍԽ-ի ռիսկի գոտում գտնվողներին վերհանելու նպատակով: