Այսօր աշխարհում չկա որևէ մարդ, որը ախտահարված չլինի կամ չի լինելու նյարդային հիվանդություններով: Այս մասին այսօրվա ասուլիսի ժամանակ ասաց նյարդաբան Նիկոլայ Խաչատրյանը, նշելով, որ աշխարհում աճում է էպիլեպսիայով, շեզոֆրենիայով և այլ հիվանդություններով տառապող մարդկանց թիվը:

Ըստ բանախոսի՝ թվաքանակի մեծացումը կախված է նաև որոշ նյարդաբանների ոչ ճիշտ դիրքորոշման պատճառով, թե որոշ հիվանդությունների հիմքում դրված է ռեֆլեքսի գերակայությունը:
«Բժշկության մեջ կա նաև այնպիսի թյուր մի կարծիք, թե որքան շատ ենք շնչում, այնքան շատ ենք թերսնուցում մեր ուղեղը: Դա կապում են անոթների նեղացման և լայնացման հետ, թե թթվածնի ավելցուկից է գալիս գլխապտույտն ու ուշագնացությունը: Դա հակառակն է: Նույնը ժամանակին ասում էին նաև էպիլեպսիայի մասին: Երբ ուղեղի կեղևը շատ արյուն է ստանում, այն ակտիվանում է և հակառակը», - ասաց նա:

Ըստ բանախոսի՝ այսօր շատ են խոսում նևրոզների պատճառների մասին, սակայն շատ դեպքերում խեղաթյուրվում է դրանց բնույթը: «Եթե մարդ ունի նևրոզ , նա կդառնա հիվանդ, իսկ եթե չունի՝ կխանգարի հասարակությանը՝ դառնալով քաղաքագետ», - ասաց նա: Նյարդաբանը նշեց, որ նևրոզի պատճառները թյուր նյութափոխանակությունն է, ուղեղի թերսնուցումը: Նրա խոսքով՝ այսօր պայքար է գնում խոլեստիլինի դեմ, սակայն իրականում այն անհրաժեշտ է օրգանիզմին: Բանախոսը նաև կարևորեց անոթների ճիշտ բուժումը:
«Եթե չգիտեն, թե ոնց անոթ բուժեն, ապա թող չանեն դա: Աչքի հատակը նայելով արդեն կարելի է տեսնել թե խոլեստերինի մակարդակը, և թե անոթների մաքրությունը, որը շատ կարևոր է նևրոզների բացահայտման և կանխարգելման համար», - ասաց նա:

Ըստ բանախոսի՝ հենց ուղեղի թերսնուցման հետ են կապված նաև վեգետատիվ որոշ խնդիրներ: «Եթե ռեդեկուլյար համակարգը առողջ է, ապա որևէ այլ հիվանդություն, նույնիսկ քաղցքեղը չի կարող հաղթել մարդուն», - ասաց նա:

Ըստ նյարդաբանի՝ ժառանգությամբ անցնող նևրոզներ չկան, բայց կան որոշ առողջական խնդիրներ, որոնք փոխանցվելով՝ հանգեցնում են դրանց: Նույնիսկ էպիլեպսիան նա չի համարվում ժառանգաբար փոխանցվող:

Որպեսզի որոշակի ձերբազատվեն նևրոզներից, ըստ նյարդաբանի՝ անհրաժեշտ է, որ նորմալ նյութափոխանակություն լինի, արյան շրջանառությունն ու հոսքը դեպի ուղեղ մեծանա: Բժիշկը խորհուրդ է տալիս նաև նորմալ քնել: «Քունը լիցքավորում է մարդուն նոր էներգիայով», - ասաց Ն.Խաչատրյանը: Գլխացավի դեպքում նա խորհորդ տվեց քացախով թռչոց դնել, որպեսզի ներգանգային ճնշումը նվազի: «Շատ նևրոզներ կարելի է կանխարգելել», - ասաց բանախոսը:

Աղբյուր` Panorama.am