Համաձայն դրանց` հասուն մարդիկ օրական պետք է օգտագործեն 2 գրամից ոչ պակաս նատրիում, որը հավասար է 5 գրամ աղի, իսկ կալիում` ոչ միայն 3 գրամից ոչ պակաս, այլև դրանից ավել:

Աղի սպառման նախկին նորման եղել է օրն ուղիղ 5 գրամ, իսկ կալիումի նորմայի վերաբերյալ երաշխավորություն տրվում է ….առաջին անգամ:

Ինչ մնում է 2 տարեկանից բարձր երեխաներին, ապա նրանց նորմաներն ավելի ցածր են, քան` մեծերինը: Դրանք պետք է հաշվարկվեն նրանց կոնկրետ տարիքներին համեմատ և յուրաքանչյուր երկրի մանկաբուժական ծառայությունների էներգետիկ պահանջմունքներով, ցուցված է ԱՀԿ մամլո հաղորդագրությունում:

Նատրիումի բարձր և կալիումի ցածր մակարդակներն օրգանիզմում մեծացնում են հիպերտոնիայի, սիրտ-անոթային հիվանդությունների, ուղեղի կաթվածի, ինչպես նաև օստեոպարոզի վտանգը` նշվում է նույն փաստաթղթում: "Մոլորակի բնակչության մեծամասնությունը չափազանղ շատ նատրիում է սպառում և չափազանց քիչ կալիում",-արձանագրում է ԱՀԿ-ն:

Բնական վիճակում նատրիում պարունակվում է սննդամթերքների լայն տեսականիում, ներառյալ` կաթն ու կաթնամթերքները/100 գրամում` մոտավորապես 50 միլիգրամ նատրիում կա/: Ավելի զգալի խստությամբ նատրիում կա խոհարարական մշակման ենթարկված սննդում:

Ինչ վերաբերում է կալիումին, ապա նրանով հարուստ են լոբազգիները/նույն 100 գրամի հաշվով` 1.3 գրամ կալիում/. Ընկուզեղենը/600 միլիգրամ/, սպանախը, կաղամբը, մաղադանոսը/մոտ 550 միլիգրամ/, բանանը, պապայան ու արմավը/` մոտ 300 միլիգրամ:

Պետք է իմանալ, որ խոհարարական ցանկացած մշակման արդյունքում կալիումի պարունակությունը զգալիորեն նվազում է…