Ահա թե ինչ է ասում, մասնավորապես, առաջատար հետազոտող Կառլ Հայմսը. "Աղի բարձր պարունակությամբ դիետան վտանգավոր է ոչ միայն երկարատև հեռանկարում առողջության խնդիրներ կառուցելում: Այն իր ներդրումն է կատարում նաև ճարպակալման հարցում":

Աղը գործում է շաքարի հետ զույգ կազմած: Սննդի մեջ աղի յուրաքանչյուր ավելորդ գրամին բաժին է ընկնում 46 միլիլիտր հեղուկ, ընդ որում 17 միլիլիտրը` հենց վնասակար "գազիրովկաներին": "Այս ուսումնասիրությունը հաստատում են և ուրիշ հետազոտությունների եզրահանգումներն առ այն, որ բարձրաղային սննդակարգերը երեխային ստիպում են խմել ավելի շատ քաղցր սոդայականներ,-ասում է Սրտի և շաքարախտի ուսումնասիրության ինստիտուտի տնօրենը, սրտաբան Հարրի Ջենինգսը,- դաղվադրության տեսության համաձայն` աղի բարձր պարունակությամբ մթերքների արտադրողը գործում է քաղցր ոչ ոգելից խմիչքների արտադրողների հետ համաձայնեցված: Սակայն տվյալ ուսումնասիրությունը ցույց է տալիս, որ գոյություն ունեն ևս մի շարք գործոններ, որոնցից կախված է, թե ինչքան գազավորված խմիչքներ է օգտագործում երեխան":

Աղի օգտագործման ավելի վաղ հետազոտությունը ցույց է տվել, որ "սպիտակ թույնից" միայն երեխաները չէ, որ տառապում են, և որ կերաբաժնում աղի կրճատումն առողջական լուրջ առավելություններ է ապահովում, այսպես` 30 տարում 30-35 տոկոսով ամենօրյա նվազեցման դեպքում ինսուլտի վտանգն իջնում է 75-80 տոկոսով, իսկ կյանքի տևողությունը ` 6-7 տարով մեծանում է աղի մասնակի կրճատման շնորհիվ:

Հելսինկիի համալսարանից պրոֆեսոր Հեյքի Կարպպանենն ու Կուոլիոյի համալսարանի պրոֆեսոր Էերո Մերվաալան նման վիճակագրությունը բացատրում են նրանով, որ ցածրաղային դիետայի դեպքում զարկերակային ճնշումն իջնում է 10 կետով, իսկ խոլեստերինի մակարդակը` հասնում է նորմային: "Ի զարմանս մեր` վերջին 15 տարում աղի օգտագորևծումն ԱՄՆ-ում, ըստ Աղի ինստիտուտի տվյալների, աճել է ավելի քան 50 տոկոսով",-ավելացնում է Կարպպանենը:

Կանադացի գորընկերների նման`ֆինն հետազոտողները ևս ճարպակալումը կապում են աղի օգտագործման հետ: Աղի սնունդը, բացատրում են նրանք, ուժեղացնում է ծարավը, որն ամերիկացիները սովորել են հագեցնել ոչ թե ջրով, այլ գազավորված հեղուկներով: Եվ ահա արդյունքները. 1999-2002 թթ. ճարպակալումից տառապող տղամարդկանց թիվն այնտեղ 1976-1980 թթ. հաեմատությամբ աճել է 120, իսկ կանանցը` 99 տոկոսով: