Երբևէ մտածել եք, թե ինչու ենք ասում «առողջ» ժպիտը օգտակար է… Ընդունված է այդպես ասել`այդպես ել ասում ենք: Բայց ահա պարզվում է, որ ինչպես կյանքում, այնպես էլ լեզվում պատահական բան չի լինում: Թեկուզ հենց այս փաստը: Վերջերս գիտնականները պարզել են, որ կեղծ ժպիտը վնաս է հասցնում մարդու առողջությանը, այն էլ` լուրջ վնաս:

Դա հատուկ հետազոտությամբ հաջողվել է բացահայտել Միչիգանի համալսարանի հոգեբաններին:

Նրանք գտնում են, որ ոչ անկեղծ ժպիտը, որը համահունչ չէ ու չի կարելի հարաբերվել մարդու ներքին տրամադրության հետ, հետազոտված մասնակիցների մոտ ուժերի և տրամադրության անկման գլխավոր պատճառն է:

Հետաքրքիր փաստ. կանայք ավելի շատ են տուժում կեղծ ժպիտից, քան` տղամարդիկ: Ինչու է այդպես`գիտնականներին դեռ չի հաջողվել պարզել:

Այդ հետազոտության հեղինակները մատնանշում են, որ մենեջմենթին ղեկավարության կողմից ներկայացվող պահանջը` մշտապես ժպտալ հաճախորդին, կարող է բացասականորեն անդրադառնալ ոչ միայն նրա առողջության, այլև` գործի վրա: Ներքին վատ տրամադրության տեր, բռնի ժպտացող մենեջերը պարզապես չի կարող աշխատունակ մնալ: