Գիտնականները զգուշացնոււմ են. այն մայրերը, որոնք ցանկանում են իրենց երեխաներին փոքր տարիքում տանել մանկապարտեզ, պետք է իմանան, որ երեխայի մոտ ավելի ուշ տարիքում մեծանում է սիրտ-անոթային հիվանդությունների զարգացման վտանգը:

Մասնավորապես, Թագավորական բժշկական ընկերակցության /Մեծ Բրիտանիա/ անդամ` դոկտոր Արիկ Սիգմանը գտնում է, որ տևական ժամանակաընթացքներով երեխային ուրիշների մոտ թողնելը հանգեցնում է սթրեսի հորմոնի լուրջ բարձրացման, ինչը իր հերթին հանգեցնում է շատ խնդիրների առաջացման:

Հասարակ հազից ու մրսածությունից սկսած` մինչև սրտային հիվանդություններ` դպրոցական տարիներին: Իրենց կյանքի հատկապես կարևոր տարիներին մոր ուշադրությունից զրկված երեխաները պարզապես չեն կարողանում չհուզվել ու չարձագանքել սթրեսին:

Հետազոտություններ են անցկացվել մանկապաարտեզ հաճախող և օրը մայրիկի հետ անցկացնող երեխաների մոտ կորտիզոլի մակարդակի ուսումնասիրման համար, ու պարզվել է, որ մանկապարտեզ հաճախող` մինչև երեք տարեկան բոլոր փոքրիկների մոտ սթրեսի հորմոնի մակարդակը զգալիորեն բարձր է, իսկ չէ որ հենց այդ ժամանակաընթացքում է մանկան ուղեղը հատլկապես սրընթաց սլանում:

Կորտիզոլի բարձր մակարդակը հանգեցնում է նաև ինֆեկցիաների նկատմամբ ցածր դիմադրողականության:

Սույն հայտնագործությունը բուռն բանավեճ է առաջացրել կնոջ աշխատանքի և ինքնորոշման իրավունքի ոլորտում. մայր կանայք հաճախ են կարիերա անելու իրենց ցանկությունը բացատրում երեխայի հանդեպ հոգնածությամբ, այնինչ իրականում խնդիրն այլ պատկեր ունի…