Ոսկյա զարդեղենը խթանող էֆեկտ ունի, և դա կարող է վնասակար ազդեցություն թողնել մարդու նյարդային համակարգի վրա, նյութափոխանակության խանգարումներ առաջացնել, ինչն էլ իր հերթին ունակ է հարուցելու ընկճախտ (դեպրեսիա):

Անշուշտ, ոսկին բոլորի վրա չէ, որ թողնում է նույն ազդեցությունը: Կանոնավորապես ոսկեղեն կրել գիտնականները չեն երաշխավորում հատկապես էմոցիոնալ անձանց, ինչպես նաև էպիլեպսիա ունեցողներին: Նրանք պարզել են, որ հիվանդության նոպաների վրա ազդում են մետաղի փայլն ու առկայծումը:

Հետազոտողները նաև նշում են, որ ոսկու հանդեպ պետք է զգույշ լինեն մեգապոլիսների (գերմեծ քաղաքների) բնակիչները, քանի որ դրանցում առանց այդ էլ բավականին մեծ է սթրեսի ու դեպրեսիայի առաջացման վտանգը:

Գիտնականները խորհուրդ են տալիս ոսկու փոխարեն կրել արծաթե շինվածքներ, որոնք օրգանիզմի վրա ոչ մի վնասակար ազդեցություն չեն թողնում: