Մասնագետները համարում են, որ մեզանում ալերգիա յով տառապում է բնակչության մոտ մեկ երրորդը, իսկ ամառը այդ հիվանդության բարձրակետն է։ Մարդիկ գնում են անխտիր բոլոր հակահիստամինային դեղամիջոցները, բարեբախտաբար դրանց պակասն այսօր չկա։

Այդ կարգի դեղորայքի շուկայի աճը գնահատվում է տարեկան մոտ 10-15 տոկոս։ Ի հայտ են գալիս դեղամիջոցներ աշխարհում ամեն ինչի դեմ. բրդի, ծաղկափոշու հարուցած ալերգիա յի, քաղցր օշարակի տեսքով հատուկ միջոցներ երեխաների եւ դեռահասների համար, ինչպես նաեւ կրկնակի եւ եռակի ազդեցությամբ հաբեր։

Սակայն այդ միտումն իր հակառակ կողմն էլ ունի։ Նախ՝ թուլանում է մեր մեծամասնության իմունիտետը։ Եւ երկրորդ՝ շուկայից հետզհետե դուրս են մղվում էժան դեղամիջոցները։ Մարդիկ գնալով ավելի հաճախ նախընտրում են արեւմտյան հայտնի ընկերությունների արտադրած առավել թանկարժեք եւ, ինչպես համարվում է, առավել արդյունավետ հակաալերգիկ միջոցները։

«Նույնիսկ եթե տեսնում եք ալերգիա յի կոնկրետ տեսակի դեմ նախա տեսված հատուկ հաբեր, մի՛ գայթակղվեք. դա ընդամենը մարկետինգային հնարք է,- նախազգուշացնում են բժիշկները։ -Իսկապես, առաջին սերնդի դեղամիջոցները (օրինակ՝ սուպրաստինը կամ տավեգիլը) առաջացնում են քնկոտություն, իսկ ընդունել դրանք անհրաժեշտ է օրական 3-4 անգամ։ Բացի այդ, օրգանիզմը շատ արագ ընտելանում է դրանց։

Իսկ երկրորդ սերնդի դեղամիջոցները (օրինակ` կլարիտինը կամ լոմիլանը) արդեն սեդատիվ ներգործություն չունեն եւ վարժվածություն չեն առաջացնում, իսկ ընդունել կարելի է օրական մեկ անգամ։ Բայց այսքանով տարբերությունները սպառվում են»։

Ալերգիա յով մշտապես տառապող մարդկանց բժիշկները խորհուրդ են տալիս չսպասել դրա առաջին նշաններին, այլ սկսել հակահիստամինային դեղամիջոցների ընդունումը այն ժամանակաշրջանի սկսվելուց մեկ-երկու շաբաթ առաջ, երբ ձեզ մոտ սովորաբար սրվում է հիվանդությունը։ Իսկ եթե տառապում եք կատուների եւ շների բրդի հանդեպ ալերգիկ ռեակցիայով, ապա սկսեք ընդունել դեղամիջոցը կենդանու հետ հավանական շփումից 5-6 օր առաջ։

Ի դեպ, այս օրերին ալերգիա ն սրանում է հացազգի խոտաբույսերի ծաղկափոշուց, որը, բնականաբար, անտեսանելի է մարդկանց համար։
Ե.ԱՌԱՔԵԼՅԱՆ