Արյան նորմալ ճնշում

Շատ մարդկանց համար, որոնց արյան ճնշումը բարձր է, ցանկալի սահմանը պետք է լինի 140/90 –ից ոչ բարձր: Արյան ճնշման ցանկալի սահմանը պետք է ավելի իջեցնել, եթե առկա են այնպիսի հիվանդություններ, ինչպիսիք են շաքարախտը, երիկամային հիվանդությունը, կամ նախկինում տարած սրտամկանի ինֆարկտը:

Առողջ քաշ

Մի քանի գործոններ են որոշում առողջ քաշը. դրանք են` հասակը, տարիքը, առկա և նախկինում տարած հիվանդությունները: Չափեք ձեր մեջքը, եթե կանանց մոտ այն ավել է 90 սմ-ից, իս տղամարդկաց մոտ` 101 սմ-ից, ապա հավանական է, որ դուք ունեք ավելորդ որովայնային քաշ, որը պետք է պակասեցնել: Քաշը պետք է իջեցնել դանդաղ: Պետք է սկսել ֆիզիկական ակտիվությունը շատացնելով: Բարենպաստ է ամենօրյա քայլը` 30 րոպե տևողությամբ: Պետք է սահմանափակել բարձր կալորիականություն ունեցող սննդի օգտագործումը և աշխատել կրճատել չափաբաժինները: Խորհրդակցեք ձեր բժշկի հետ, որպեսզի պարզեք ձեր առողջ քաշը և ինչպես պահպանեք այն:

Ապրելակերպ

Ընտրեք առողջ սննդակարգ: Շատ մարդկանց մոտ աղի օգտագործման կրճատումը կնպաստի արյան ճնշման իջեցմանը: Այն մարդկանց մոտ, որոնք օգտագործում են դեղորայք` արյան ճնշման իջեցման նպատակով աղի օգտագործման կրճատումը կօգնի, որպեսզի դեղորայքը ավելի արդյունավետ գործի: Կարդացեք սննդամթերքի պիտակները և հիշեք, որ մեկ օրվա համար կերակրի սոդայի օգտագործման սահմանագիծը 2400 միլիգրամն է: Ուսումնասիրությունները ցույց են տվել, որ միրգը, բանջարեղենը, ինչպես նաև ցածր յուղայնություն ունեցող կաթնամթերքները նպաստում են արյան ճնշման կարգավորմանը: Շատ կարևոր է լինել ֆիզիկապես ակտիվ (ամենօրյա 30 րոպեանոց քայլ): Եթե դութ որոշել եք օգտագործել ալկոհոլ, ապա այն չպետք է անցնի, օրական` մեկ բաժակից: Ոչ մի դեպքում չի կարելի ծխել:

Արյան բարձր ճնշման դեղորայք

Արյան ճնշումն իջեցնող բազմաթիվ դեղորայքներ կան և շատ տարբեր կերպով են դրանք կիրառվում: Կան մարդիկ, որոնք պետք է մեկից ավելի դեղ ընդունեն, որ ճնշումը կարգավորվի: Դեղեր կան, որոնք պետք է ընդունվեն ուտելիքի և ըմպելիքի հետ միասին, և որոշ դեղեր ընդհակառակը` դատարկ ստամոքսին և քիչ ջրով: Հիշեք, որ պարտադիր է անպայման իմանալ, թե դեղորայքը երբ և ինչ կերպ պետք է ընդունել:

Եթե արյան ճնշումը շարունակում է մնալ բարձր

Եթե ձեր արյան ճնշումը չի կարգավորվում անգամ դեղորայքի ընդունումից, նիհարելուց և աղը պակասեցնելուց հետո, մի հուսահատվեք: Կան բաներ, որ պետք է կատարեք` խորհրդակցելով ձեր բժշկի հետ: Նախ և առաջ համոզվեք, որ դեղորայքը ընդունում եք հենց այնպես, ինչպես նշանակված է, դա շատ կարևոր է: Երկրորդ. միգուցե պետք է, որ ձեր բժիշկը ավելացնի դեղորայքի չափաբաժինը կամ ընդհանրապես փոխի այն: Ամենակարևորը, որ դուք աշխատեք ձեր բժշկի հետ միասին, հետևեք նրա խորհուրդներին, իսկ եթե ունեք հարցեր, ապա քննարկեք նրա հետ: