Ուսումնասիրությունները ցույց են տվել, որ օրգանիզմի համար ավելի լավ է վալերիանան ոչ թե ներս ընդունել, այլ նրանից հոտ քաշել: Օգտագործման տարբեր մեթոդներ հետազոտելով` մասնագետները համոզվել են, որ վալերիանան ներշնչելը 20 անգամ ավելի արագ ու արդյունավետ է ներգործում` քան, երբ այն խմում են:

Նրանք խորհուրդ են տալիս հոտ քաշել քնելուց անմիջապես առաջ, եթե ներս շնչելուց հետո ինչ-ինչ պատճառով դեռ արթուն պիտի մնաք, դա անել չի կարելի: Խցանը հանելով` հարկավոր է յուրաքանչյուր քթանցքով, հերթով, ներշնչել բույրը` դա կրկնելով երեք անգամ: Հոտ քաշել պետք է ոչ խոր, հանգիստ ու դանդաղ:

Եթե զգում եք, որ 3 անգամը բավական չէ, կարելի է շարունակել, որովհետև քանակը որոշվում է ինքնազգացողությամբ, պարզապես պետք է հիշել, որ վալերիանայի չափանցումը կաող է գլխացավ առաջացնել:

Վալերիանայի բույրն օգնում է ոչ միայն անքնության, այլև սրտային ցավերի, գլխուղեղի արյան շրջանառության խախտման, միոկարդի կաթվածի դեպքում:

Վալերիանայով բուժումը բավականին երկար է տևում` կարող է 3-4 ամիս պահանջել, բայց փոխարենը օրգանիզմն այդ ընթացքում ամրապնդվում է, ու դա ևս մեկ փաստարկ է վալերիանայի օգտին: