Հանգիստ ու խոր քունը պատանիների նորմալ սեռական հասունացման պարտադիր պայման է: Հենց քնի մեջ են դեռահասի օրգանիզմում տեղի ունենում այն կարևոր փոփոխությունները, որոնք սկզբնապես ծագում են գլխուղեղում:

Խոշոր ու տևական հետազոտությամբ ամերիկացի գիտնականները վերլուծել են հորմոններից մեկի` լյուտեինիզացնող հորմոնի վերարտադրությունը և նրա կախվածությունը քնի տարբեր փուլերից` 9-ից մինչև 15 տարեկան դեռահասային տարիքում:

Ինչպես հաջողվել է պարզել`լյուտեինիզացնող հորմոնը օրգանիզմի կողմից բավական քանակությամբ արտադրվում է միայն քնի ժամանակ: Հենց դրա համար էլ անհրաժեշտ է դեռահասներին հետևել պուբերտատային ժամանակաշրջանում (լատիներեն pubertas`սեռական հասունություն, առնականացում): Որպես կանոն` դա քնի խանգարումներ ունեցող տղաների համար 13-ից մինչև 17-18 և աղջիկների համար`12-ից մինչև 16 տարեկանն է:

Նշված հորմոնը աղջիկների մոտ պատասխանատու է օվուլյացիոն շրջանը սկսելու համար, իսկ տղաների մոտ` տեստոստերոնի արտադրության: