Բրիտանացի գիտնականների հետազոտության արդյունքն առ այն, որ ուսուցիչների պահանջով դպրոցական պարապմունքների ընթացքում ուղիղ, կամ ֆիզկուլտուրային եզրույթով արտահայտված «զգաստ» նստելը հետագայում մեջքի մշտական ցավեր է առաջացնում մարդու մոտ, ցնցել է երկրի դպրոցականների ծնողներին:

Դպրոցն ավարտած միլիոնավոր մարդիկ, այդ թվում` և 18-34 տարեկանները, ստիպված են իրենց հետագա ողջ կյանքում տառապել այդպիսի ցավից: Ընդ որում, հարցման մասնակիցների 2/3 –ը խոստովանել են, որ թիկունքային ցավերն իրենց մոտ կրում են կանոնավոր բնույթ:

Բանն այն է, որ եթե աշակերտի իրանը երկար ժամանակ մնում է ուղիղ դիրքում, տեղի է ունենում մկանային տոնուսի կորուստ, որի արդյունքում իջնում է ողնաշարի կայունությունը, ինչն էլ հանգեցնում է մեջքի ցավի:

Մանկությունից, հարազատ դպրոցի պատերի ներսում ստացած նման հիվանդությունը բուժելու միջոց բժիշկները դեռևս չեն գտել: