Նյու-Յորքի Ալբերտ Էյնշտեյնի անվան համալսարանի գիտնականներն անսպասելի եզրակացության են հանգել. վիտամին C-ն….սպանում է պալարախտի բջիջներին:

Նոր հայտնագործությունը հեռանկարում պետք է բերի տուբերկուլյոզի դեմ պայքարի համար էժան ու արդյունավետ դեղամիջոցների մշակման, ինչն այսօր հրատապ է, եթե հատկապես հաշվի առնենք այդ հիվանդության` հակաբիոտիկների նկատմամբ կայուն ձևերի` գնալով ավելի շատ տարածվելն աշխարհում:

Պաշտոնական վիճակագրության համաձայն` 2012թ. պալարախտով հիվանդացել է 9 միլիոն մարդ, և վարակվածների 95 տոկոսը բաժին է ընկնում ցածր եկամտով երկրներին: Թեև 1990 թվականից տուբերուլյոզի տարածվածությունը 41 տոկոսով իջել, այնուամենայնիվ այն առաջվա պես ինֆեկցիոն տիպի մահացության առավել տարածված պատճառների ցուցակում զբաղեցնում է գրաված առաջին տեղը:

Փորձագետները նշում են, որ հայտնագործությունն արվել է պատահաբար: Տվյալ պահին C վիտամինը պալարախտի բջիջներին ոչնչացնում է փորձանոթում և դեռ պարզ չէ, թե նմանատիպ արդյունքն առկա է արդյոք C վիտամին ընդունող հիվանդի մոտ, և եթե առկա է, ապա ինչ դեղաչափերով պետք է այն օգտագործվի…..

Ներկայումս հենց այդ հարցը պարզելով են զբաղված ԱՄՆ մի քանի բժշկական ինստիտուտներ:

Հետազոտության առաջատար հեղինակ Ուիլյամ Ջեյկոբսը նշում է <ԱՀԿ տվյալներով, աշխարհում 2012թ.գրանցվել է հակաբիոտիկների հանդեպ ռեզիստենտ տուբերկուլյոզի 630 հազար դեպք: Դրա հետ մեկտեղ, C վիտամինը պատկանում է այն տարրերի թվին, որոնց նկատմամբ մանրէներն ու վիրուսները երբեք չեն կարող ռեզիստենտություն դրսևորել:

Այն գիտելիքները, որ մենք ունենք տվյալ պահին, թույլ են տալիս եզրակացնել, որ վիտամին C-ն տուբերկուլյոզի բուժման ժամանակ որպես լրացուցիչ միջոց` կարող է օգտակար լինել,: Այն պետք է ընդունել սննդի հետ միասին` հիմնական դեղամիջոցների հետ: Այդպիսով բուժման արդյունավետությունն ավելի կբարձրանա…

Հեռանկարում կա այդ վիտամինի հիմքի վրա էժան դեղամիջոցների ստեղծման հավանականությունը, որոնք լիովին կփոխարինեն հակաբիոտիկներին: Նման դեղամիջոց կարող է ստեղծվել արդեն մոտակա 5 տարում, սակայն նույնիսկ ամենալավատեսական կռահումով` C վիտամինի հիմքի վրա տուբերկուլյոզի դեմ պայքարի նոր դեղամիջոցը շուկայում /վաճառքում/ կհայտնվի միայն 8-10 տարի հետո: