Meddai-ly.ru-ն հայտնում է. Օհայոյի համալսարանի (ԱՄՆ) գիտնականները երիցուկի (Ромашка) թեյի մեջ գտել են ապիգենին`մի միացություն, որն ի զորու է թուլացնել քաղցկեղային բջիջներին: Կրծքագեղձի քաղցկեղի բջիջները սովորականից երկար են ապրում ու հեշտությամբ տարածվում: Բայց նշված միացությունը լուծում է տվյալ խնդիրները` դրա հետ միաժամանակ քաղցկեղին դարձնում է զգայունակ քիմթերապիայի հանդեպ:

Երիցուկից բացի ապիգենին կարելի է գտնել և մաղադանոսի, և նեխուրի, ինչպես նաև շատ մրգերի ու բանջարեղենի մեջ: Ի դեպ, ապիգենինն օժտված է նաև հակաբորբոքային հատկություններով, այն հատուկ սպիտակուցներին օգնում է շտկել PHK-ում առաջացած անոմալիաները, որոնք 80 տոկոսի դեպքերում կանգնած են լինում քաղցկեղի թիկունքում:

Հետազոտությունը ցույց է տվել, որ ապիգենինը մարդու մարմնում կապվում է մոտավորապես 160 սպիտակուցի հետ: Հնարավոր է, որ նմանատիպ են գործում և ուրիշ սննդամթերքների հակաքաղցկեղային միացությունները, իսկ դեղամիջոցների մեծամասնությունը ներազդում է միայն մեկ մոլեկուլի վրա…

Ամենակարևոր սպիտակուցը, որի հետ կապվում է ապիգենինը, դա hnRNPA 2-ն է: Այն ազդում է ԴՆԹ-ի մաս կազմող mPHK –ի վրա, որն իր մեջ «հրահանգներ» է ներառում այն մասին, թե ինչպես արտադրել հատուկ սպիտակուց:

Հենց անոմալիաներն են նրանց մեջ քաղցկեղի դեպքերի մեծ մասը հարուցում:
Երբ ապիգենինը միանում է hnRNPA 2 սպիտակուցի հետ, վերականգնվում է կրծքագեղձի քաղցկեղի բջիջների հանդեպ mPHK-ի գործառույթը: