Պարզվում է` դա էլ նշանակություն ունի: Շվեյցարացի գիտնականները գտնում են, որ բարձր հարկերի բնակիչներն ավելի ամուր առողջություն են ունենում, քան նրանք, ովքեր ապրում են առաջին հարկերում:

Ում բնակարանը 7-րդ հարկից բարձր է` ամրապնդում է իր առողջությունը, եթե վերելակի փոխարեն կանոնավորապես օգտվում է սանդուղքից: Ինչպես նաև` նրան մատչելի է ավելի մաքուր օդը` զերծ գազային վնասակար արտանետումներից ու թունավոր փոշուց:

Հետազոտությունները ցույց են տվել, որ առաջին հարկերում ապրողների վաղաժամ մահվան հավանականությունը 22 տոկոսով բարձր է, քան` «բարձունքներում» ապրողներինը: Բացահայտվել է նաև, որ գետնին մերձ ապրողների մոտ զգալիորեն հաճախ են արձանագրվում սիրտ-անոթային ու թոքային հիվանդության դեպքեր:

Հետազոտություններին մասնակցել է ավելի քան 1,5 միլիոն մարդ: