Բրիտանացիները մտադիր են արհեստական միս ստեղծել, որը մարդկանց համար հասանելի կլինի 10 տարի հետո: Այժմ մսի արտադրության փորձարկումներն արդեն ավարտվել են, իսկ օգոստոսի 5-ին Բրիտանիայում կներկայացվի արհեստական մսից պատրաստված առաջին համբուրգերը, գրում է rosbalt.ru-ն: Այն կարժենա 250 հազար ֆունտ ստերլինգ:

Գիտնականների պարզաբանմամբ՝ միայն մեկ կովից այսօր հնարավոր է արտադրել մեկ միլիոն անգամ ավելի շատ միս, քան կշռում է ինքը՝ կենդանին:

Միսն արտադրելու համար կովի մկանային հյուսվածքներից ցողունային բջիջներ են վերցվում, որոնք տեղադրվում են հատուկ ինկուբատորում: Այնուհետև փորձագետները դրանցից բարակ հյուսվածքներ են ստանում, աճեցնում են դրանք մինչև հասունանալը և ավելացնում են լաբորատոր պայմաններում ստացված յուղը, որից հետո միսը պատրաստ է: Այս ողջ գործընթացը տևում է շուրջ երկու ամիս, գրում է աղբյուրը: