Ամերիկացի բժիշկներն ուսումնասիրել են ավելի քան 7.000 քաղցկեղով հիվանդների գենոմներ և բացահայտել են 30 ամենատարածված ուռուցքների առաջացման պատճառներն ու մեխանիզմները, ինչը կօգնի գտնել դրանց ընդհանուր գծերը և սկսել ունիվերսալ մեթոդներով քաղցկեղի դեմ պայքարելու աշխատանքները, գրում է РИА Новости գործակալությունը՝ Nature ամսագրին հղումով։

«Մեզ հաջողվել է գտնել հիմնական մուտացիաները, որոնք բացատրում են քաղցկեղի առաջացման գենետիկ պատճառներն ու դրա զարգացման պատմությունը հիվանդների օրգանիզմում։ Մենք այժմ սկսում ենք հասկանալ այն բարդ կենսաբանական գործընթացները, որոնք աննկատ իրականանում են մեր մարմիններում»,-հայտարարել է Լյուդմիլ Ալեքսանդրովը՝ Մեծ Բրիտանիայի Սանգերի ինստիտուտից։

Մասնագետները համեմատել են ոչ միայն մուտացիաները, այլ նաև այն, թե ինչպես են դրանք հայտնվում գենոմում։