Բոտոքսի ներարկումները կիրառվում են կնճիռների դեմ պայքարի նպատակով, սակայն շուտով կարող են օգտագոևծվել նաև քրոնիկական միգրենների բուժման համար։ Նման բուժումը Բրիտանիայում կարող է կիրառվել նաև անվճար, գտնում է Միացյալ Թագավորության առողջապահության համակարգի համակարգող օրգանը։

Միգրենի հետազոտությունների աջակցության անգլիական հիմնադրամը ևս սատարել է այս առաջարկը։

Միգրենը նեվրոլոգիական հիվանդություն է, որը բնութագրվում է ուժեղ, հիմնականում միակողմանի գլխացավերով։ Հիվանդության նոպաները հաճախ ուղեկցվում են սրտխառնոցով, լույսի և ձայնի հանդեպ հիվանդագին ռեակցիայով։

Քրոնիկական հիվանդ են համարվում այն մարդիկ, որոնք նման գլխացավերով տառապում են ամսվա մեջ 15 օրից ավելի, որոնցից ոչ պակաս, քան 8-ը ուղեկցվում են նոպաներով։

Բոտոքսը որպես միգրենի դեմ դեղամիջոց հավանության է արժանացել դեռ 2010 թվականին։ Այժմ Առողջության և կլինիկական փորձարկումների ազգային ինստիտուտը (NICE) դնում է պրոյեկտի պետական ֆինանսավորման հարցը և դրա ներմուծումը առողջապահության ընդհանուր համակարգ, քանի որ քրոնիկ միգրենները բացառիկ մաշեցնում են օրգանիզմը և ազդում կյանքի որակի վրա։

Հունիսին սպասվում են այս հարցով ներկայացվող վերջնական առաջարկներ։

Նախնական գնահատականներով՝ 12-շաբաթյա բուժման կուրսը կարող է գնահատվել ընդամենը 560 դոլար։

Բոտոքսի ազդեցության ձևը դեռ մինչև վերջ ուսումնասիրված չէ։ Հնարավոր է, որ այն ճնշում և մեղմում է ցավի ադանշանները և թուլացնում մկանները։

Աշխարհում ամեն հինգերորդ մարդը տառապում է հաճախ կրկնվող գլխացավերից, ինչը կարող է հանգեցնել հաշմանդամության։