Հարվարդի համալսարանի հետազոտողները եկել են այն եզրակացության, որ կարմիր մսի, կարագի, ինչպես նաև այլ ճարպոտ սննդամթերքների չափից շատ օգտագործումը բարձրացնում է Ալցհեյմերի հիվանդության զարգացման վտանգը: Այս մասին հայտնում է The Telegraph պարբերականը:

Ուսումնասիրության մանրամասները տպագրվել են Annals of Neurology ամսագրում:

Գիտնականների պնդմամբ՝ ծեր կանայք, ովքեր օգտագործում են մեծ քանակությամբ ճարպեր պարունակող սնունդ, ունեն ավելի վատ հիշողություն, քան նրանք, ովքեր օգտագործում են ձիթապտղի և արևածաղկի յուղեր, ավոկադո, հացահատիկեղեն, ընդեղեն և այլն:

Բոստոնի Brigham and Women's Hospital-ի բժիշկ Օլիվա Օկերեկեն նշել է, որ այստեղ մեծ դեր է խաղում ոչ թե ճարպի քանակը, այլ ճարպի տեսակը: