Շվեդիայի մայրաքաղաք Ստոկհոլմում մեկնարկել է Նոբելյան շաբաթը, որի շրջանակներում հայտարարվելու են Նոբելյան մրցանակի դափնեկիրները՝ ֆիզիոլոգիայի և բժշկության, ֆիզիկայի և քիմիայի, ինչպես նաև տնտեսական գիտությունների, գրականության և խաղաղության ոլորտներում։

Ինչպես հայտնում է РИА-Новости-ն, արդեն հայտնի է ֆիզիոլոգիայի և բժշկության ոլորտում դափնեկիրների անունները: Նրանք են ամերիկացի գիտնականներ Ջեյմս Ռոթմանը, Ռենդի Շեկմանն ու Թոմաս Զյուդոֆը, ովքեր մրցանակի են արժանացել՝ միջբջջային փոխազդեցության ոլորտում կատարած ուսումնասիրության համար։

Երեքշաբթի կհայտարարվեն ֆիզիկայի ոլորտում Նոբելյան մրցանակի դափնեկիրները, չորեքշաբթի օրը՝ քիմիայի:

Ավանդության համաձայն` գրականության ասպարեզում Նոբելյան մրցանակի դափնեկրի անունը հայտարարելու ամսաթիվը չի հրապարակվում: