Ճապոնացի գիտնականները կարողացել են «փոփոխել» կենսաբանական ժամացույցը

Ճապոնացի գիտնականները կարողացել են «փոփոխել» կենսաբանական ժամացույցըՀոկտեմբեր 05, 2013 | 19:42

Ճապոնացի գիտնականները պարզել են, որ մարդկային ուղեղում կան «ջնջելու կոճակներ», որոնք օգնում են շատ արագ հարմարվել ժամային գոտու փոփոխմանը:

Կաթնասունների մոտ նրանց «ներքին» ժամացույցի աշխատանքը ղեկավարում է գիպոտալամուսի հատվածներից մեկը, որը բջիջներին ազդակներ է ուղարկում՝ դրանք համաժամանակեցնելով:

Կիոտոյի համալսարանից Յոշիակի Յամագուչին ու նրա գործընկներները հաստատել են, որ դրա հետ կապված են արգինին-վազոպրեսսիններն ինչպես նաեւ V1a եւ V1b ռեցեպտորները: Քիմիական ճանապարհով գիտնականներին հաջողվել է լաբորատոր մկների մոտ զսպել այդ ռեցեպտորների աշխատանքը: Կենդանիների համար ստեղծվել էր ցիկլ, երբ 12 ժամ լույսը փոխարինվում էր 12 ժամ մթությամբ, այնուհետ առաջ են տվել 8 ամով: Արդյունքում սովորական կրծողների մոտ բիոռիթմերի վերականգման համար պահանջվել է 10 օր, իսկ «անջատված» ռեցեպտորներով մկներին 2-4 օրից ոչ ավել: Հոդվածը հրապարակվել է Science ամսագրում, հաղորդում է Russia Today-ը:

Հետազոտողները հույս ունեն, որ հետագայում հնարավոր կլինի դեղամիջոց ստեղծել, որը մարդկանց կօգնի հաղթահարել ժամային գոտիների փոփոխությունը: Ներքին բիոռիթմերի անհամապատասխանությունը օրվա ժամերին ծագում է այն մարդկանց մոտ, ովքեր աշխատում են գիշերային ժամերին կամ մեծ հեռավորությունների չվերթներ են ունենում: