Գիտնականները հայտնաբերել են, որ դառը շոկոլադը կարող է արդյունավետ միջոց դառնալ խրոնիկ հազի դեմ պայքարում: Բանն այն է, որ դառը շոկոլադը հարուստ է տեոբրոմին նյութով, որն իր քիմիական բաղադրությամբ նման է կոֆեինին և լայնորեն կիրառվում է բրոնխների և թոքերի հիվանդությունների բուժման պրակտիկայում:

Փորձարկումները ցույց են տվել, որ տեոբրոմինն ավելի արդյունավետ է պայքարում հազի դեմ, քան բժշկության մեջ լայնորեն կիրառվող կոդեին քիմիական նյութը, որը հազի դեմ դեղամիջոցների հիմնական բաղադրիչն է: Ուստի, հազի դեմ պայքարն առավելագույնս արդյունավետ դարձնելու համար բժիշկները խորհուրդ են տալիս օրական մեկ սալիկ դառը շոկոլադ ուտել: