Սնդիկային ջերմաչափերը մոտ ժամանակներում կարող են դուրս գալ շրջանառությունից: Առողջապահության համաշխարհային կազմակերպությունը դրանք ընդգրկել է թունավոր բժշկական սարքավորումների «սև ցուցակում» և կոչ է արել մինչև 2020 թվականը դադարեցնել դրանց վաճառքը ողջ աշխարհում, հայտնում է Russia Today-ը:

ԱՀԿ-ի փորձագետները մտահոգություն են հայտնում մարդկային օրգանիզմի վրա սնդիկի վնասակար ազդեցության համար: Այս թունավոր նյութի գոլորշիացումը վտանգավոր է հատկապես սաղմի և երեխաների համար: Սնդիկային թունավորումը բերում է գլխուղեղի, նյարդային և իմունային հմակարգի, թոքերի, մաշկի, աչքերի, երիկամների և նյութափոխանակության ծանր խանգարումների:

Ճապոնական Կումամոտո քաղաքում հոկտեմբերի 10-ին սնդիկի մասին կոնվենցիա է ընդունվել, ըստ որի նախատեսվում է դադարեցնել սնդիկի կիրառությունը բժշկական սարքավորումներում մինչ 2030 թվականը: Սակայն ԱՀԿ-ում արշավ են ձեռնարկել բժշկության ոլորտում սնդիկից ավելի վաղ ձերբազատվելու համար: