Հոլանդիայից հետո 2-րդ «Հալալ սեքս-շոփը» բացվել է Թուրքիայում։

Թուրքական Vatan-ի փոխանցմամբ՝ Թուրքիայում բացվել է իսլամական նորմերին համապատասխան «Հալալ սեքս-շոփ», որն օնլայն է վաճառք իրականացնելու։

«Հալալ սեքս-շոփի» սեփականատեր, 38-ամյա Հալուք Դեմիրելը պատմել է, որ տվյալ խանութը բացելու անհրաժեշտություն առաջացավ, երբ իր կին ընկերներից մեկը խորհուրդ է հարցրել, թե որտեղից կարող է դեղամիջոց գնել հետծննդաբերական սեռական ցանկության բացակայության համար։ «Ես աշխատում էի առողջապահության ոլորտում եւ հոգեւորականների հետ զրույցներից հետո որոշեցինք բացել իսլամական նորմերին համապատասխան սեքս-շոփ»,-նշել է Դեմիրելը։

Թեեւ խանութի սեփականատերը նշել էր, թե վաճառքում չեն լինելու փչովի տիկնիկներ եւ արհեստական օրգաններ, սակայն թուրքական Internethaber.com կայքում տեղեկություն է հայտնվել, որ «Հալալ-սեքս-շոփում» այնպիսի բաներ են վաճառում, որ այն արդեն «Հարամ սեքս-շոփ» է դարձել։