Հայաստանից 2013 թ. առաջին կիսամյակում արտահանվել է մոտ 877 տոննա դեղ՝ 3 մլն դոլար ընդհանուր արժեքով: Ըստ մաքսային վիճակագրության՝ սա չի ներառում բամբակները, վիրակապերն ու չկշռածրարած դեղերը, որոնց արտահանման ծավալներն այնքան էլ մեծ չեն:

Հայկական դեղերի արտահանման շրջանակը բավական մեծ է, սակայն Վրաստանը դրանում առանձնահատուկ դեր ունի՝ 2013 թ. առաջին կիսամյակում դեպի Վրաստան արտահանումը կազմել է 683 տոննա՝ 1,23 մլն դոլար մաքսային արժեքով (արտահանման 41%-ը): Վրաստան հիմնականում արտահանվում են տարբեր տեսակի լուծույթներ:

Հայկական դեղերի հաջորդ խոշոր ներկրողը Ուզբեկստանն է՝ 523 հազ. դոլարի չափով (Հայաստանից արտահանման 16,6%-ը):

Մեծ քանակությամբ հայկական դեղեր ներկրում են նաեւ Ռուսաստանը (518 հազ. դոլար), Ղրղըզստանը (293 հազ. դոլար), Մոլդովան (90 հազ. դոլար):

Նշենք, որ այս երկրներից որեւէ մեկում GMP ստանդարտներ չեն կիրառվում: