ՀՀ առողջապահության նախարարությունը շարունակում է շաքարային դիաբետով հիվանդներին առանց ընդհատումների մատակարարել անհրաժեշտ քանակությամբ ինսուլին։ Հոկտեմբերի 25—ին հանրապետության բուժհաստատություններին է հատկացվել ինսուլինի հերթական խմբաքանակը։


ՀՀ առողջապահության նախարարի հրամանով հաստատվել է Երեւանի եւ մարզերի բժշկական բոլոր հաստատություններին տրամադրվող ինսուլինային սրվակների բաշխացուցակը՝ մեկ ամսվա կտրվածքով։ Բուժհաստատություններն իրենց մոտ հաշվառված հիվանդներին անհրաժեշտ քանակի ինսուլինային սրվակներն արդեն ստանում են ՀՀ ԱՆ «Մարդասիրական օգնության հանրապետական կենտրոն» ՊՈԱԿ—ից։


Նախարարությունն ինսուլին ստացող շաքարային դիաբետով հիվանդներին հորդորում է տեղերում դեղի հատկացման գործում խոչընդոտների հանդիպելու դեպքում ահազանգել թեժ գիծ՝ 010—52—88—72 հեռախոսահամարով։