Սրտանոթային հիվանդությունների զարգացման և դրանցից մահանալու հավանականությունը ծխելը թողած մարդկանց մոտ չծխող մարդկանց մակարդակին է հասնում 8 տարվա ընթացքում՝ 2 անգամ արագ, քան կարծում էին նախկինում: Այս մասին հաղորդում է Риа Новости-ն՝ հղում կատարելով Ամերիկյան սրտաբանական ասոցիացիայի կոնֆերանսի ժամանակ կատարված զեկուցմանը:

Հետազոտությունը կատարել են Ալաբամայի համալսարանի գիտնականներն Ալի Ահմեդի գլխավորությամբ՝ վերլուծելով ավելի քան 3.000 մարդու բժշկական տվյալներ, որոնցից մոտ 2.500-ը երբեք չեն ծխել, իսկ 853-ն այն թողել են հետազոտությունն սկսելուց 15 տարի առաջ:

Գիտնականները նաև նշում են, որ ծխելուց հրաժարվելը միայն դրական է ազդում մարդու սրտանոթային առողջության վրա: Սակայն նախկին ծխողների մոտ մահացության դեպքերն այլ հիվանդություններից շարունակում է ավելի բարձր մնալ, քան՝ չծխողների մոտ: