Ագրեսիվ, դյուրաբորբոք մարդիկ ուղեղի կաթվածի հետ բախվում են 2 անգամ ավելի հաճախ, քան էմոցիոնալ հավասարակշռվածները` բացահայտել են իսպանացի գիտնականները:

Պարզվել է, որ ագրեսիվ վարքը սիրտ-անոթային համակարգի վրա նույն վնասակարությունն ունի, ինչ` ծխելը: Գիտնականները վերլուծել են 450 կամավորների, որոնց միջին տարիքը 54 –ն էր և նրանցից 150-ը ուղեղի կաթված էին տարել, և հիմնական պատճառներն էին` սթրեսի մակարդակը, բնավորության գծերն ու առողջական վիճակը:

Ինսուլտի այսպիսի գործոնները հաշվի առնելուց հետո (արյան բարձր ճնշումը, դիաբետը, խոլեստերինի բարձր մակարդակը, սննդի առանձնահատկությունները և վնասակար սովորույթները) փորձագետները հանգել են եզրակացության, որ թշնամաբար տրամադրված և դյուրաբորբոք մարդիկ ինսուլտից տառապում են 2.2 անգամ ավելի հաճախ:

Հետևությունը ծնվում է ինքնին, որքան հնարավոր է` «զերծ մնացեք չարությունից և կարողացեք ներել, որովհետև դա օգտակար է սրտին»:

Ներելու կարողությունը մարդուն պաշտպանում է զարկերակային ճնշման վայրիվերումներից ու նվազեցնում հիպերտոնիայի, սրտային նոպայի և ուղեղի կաթվածի վտանգը, այս մասին հայտարարել են Սան-Դիեգոյի համալսարանի գիտնականները` հիմնվելով նոր հետազոտության արդյունքների վրա:

Գիտափորձին մասնակցել են 200-ից ավելի կամավորներ, որոնց խնդրել են մի քանի անգամ վերհիշել այն իրավիճակները, երբ իրենց վիրավորված են զգացել ինչ-որ մեկի, հատկապես` մոտ մարդու կողմից:

Մասնակիցների կեսին խնդրել են հիշել այն դեպքերը, երբ ներել են վիրավորողին, ընդ որում` այդ ընթացքում հատուկ սարքերն արձանագրել են մասնակիցների արյան ճմշումն ու սրտի ռիթմը: Հետազոտությունը ցույց տվեց, որ այն մասնակիցնների մոտ, որոնք հիշել են վիրավորանքի մասին ու չեն կարողացել ներել վիրավորողին, դիտվել է զարկերակային առավել բարձր ճնշում: