Բրիտանացի գիտնականները պոնիի թրիքի վրա սունկ են հայտնաբերել, որն անսովոր հակաբիոտիկ է արտադրում, տեղեկացնում է «Ասոշեյթիդ Փրես»-ը:

Poronia punctata անվամբ սունկը վերջին անգամ գիտնականները հայտնաբերել էին 1944թ.-ին: Գիտնական Ջոնաթան Սփենսերի խոսքերով` այս հայտնագործությունը մեծ արժեք է ներկայացնում:

Գիտնականներին հետաքրքրել է, թե ինչպես է սունկը անսովոր հակաբիոտիկներ արտադրում մրցակցելով մանրեների հետ: Այդ համակարգը դեռ հայտնի չէ, սակայն արդեն պարզ է որ այդ կերպ հնարավոր է բակտերային հիվանդություններ բուժել:

Նշվում է, որ տվյալ սունկն աճում է միայն պոնիի չորացած թրիքի վրա, որը սնվում է էկոլոգիապես մաքուր խոտով: