Դեղերի նկարագրություն
Գոյություն ունի արդյո՞ք տղամարդկանց կլիմաքս
Մասնագետներին երկար ժամանակ պետք եկավ ասելու «այո» կամ «ոչ», և դա բնական է, չէ որ կանանց մոտ կլիմաքս ասելով առաջին հերթին հասկացվում է դաշտանադադար, այսինք` կնոջ մենոպաուզան ուղղակիորեն կապված է նրա վերարտադրողական կարողության` մանկածնության գործառույթի դադարի հետ:Գիտությունն այսօր հաստատապես ասում է, ԱՅՈ, տղամարդկանց մոտ էլ գոյություն ունի կլիմաքս, ընդ որում` ի տարբերություն կանանց, նրանց մոտ այդ գործընթացն ամենից հաճախ պահպանվում և տևում է մինչև խոր ծերություն…
Տղամարդկանց կլիմաքսը կոչվում է անդրոպաուզա
Ինչո՞ւ հենց այդպես
Այն կապված է օրգանիզմում արական անդրոգեն հորմոնների (առաջին հերթին տեստոստերոնի) մակարդակի նվազման հետ, ինչը հանգեցնում է էրեկցիայի ու սերմնաբջիջի հասունացման խախտումների: Բարձրանում է արյան մեջ խոլեստերինի ու լիպիդների մակարդակը, աճում աթերոսկլերոզի և սիրտ-անոթային հիվանդությունների առաջացման վտանգը: Տեստոստերոնի անբավարարությունը բացասաբար է ազդում հիշողության, արձագանքման արագության, իրավիճակն ու սեփական տրամադրությունը օբյեկտիվորեն գնահատելու ընդունակության վրա:
Կանանց մենոպաուզայի դեպքում հորմոնների արտադրությունը կտրուկ անկում է ապրում, իսկ տղամարդկանց անդրոպաուզան ձգվում է երկար:
45 տարեկանից հետո տղամարդկանց անհրաժեշտ է տարեկան գոնե 1 անգամ լինել անդրոլոգի մոտ: Ընդ որում` բժշկի հետ զրուցելիս անպայման պետք է խոսել բաց անկեղծությամբ, որպեսզի նա կարողանա ստույգ գնահատել վիճակը:
Առողջության մանարամասն ստուգման համար սովորաբար նշանակվում են արյան ընդհանուր և սեռական հորմոնների հետազոտություններ, օստեոպարոզի հայտնաբերման նպատակով ոսկորների խտության, շագանակագեղձի գերձայնային, արյան մեջ խոլեստերինի և շաքարի հետազոտություններ:
Բուժումից երկու ամիս հետո տղամարդկանց մոտ բարձրանում է տրամադրությունը և ֆիզիկական ակտիվությունը, անցնում են գլխացավերը, զգալիորեն բարելավվում է արտաքին տեսքը և վերականգնվում սեռական հակումը:
Ավելի տևական բուժման ժամանակ հաջողվում է վերականգնել մկանային զանգվածը ու մկանների ուժը, նվազեցնել ճարպային նստվածքները, իջեցնել խոլեստերինի մակարդակը արյան մեջ և բարձրացնել ոսկրային հյուսվածքի խտությունը:
Կլիմաքսը հեշտ է ընթանում առողջ կենսակերպ վարող տղամարդկանց մոտ: Առավոտը հարկավոր է սկսել մարմնամարզությամբ և կոնտրաստային ցնցուղի տակ ցայվելով, երեկոյան, գոնե շաբաթը մեկ անգամ զբաղվել տրենաժորային դահլիճում կամ լողավազանում: Օգտակար է երեկոյան զբոսանքը թարմ և մաքուր օդում: Պետք է ձգտել հնարավորին չափ սրտին մոտ չընդունել աշխատանքի կամ այլ գործընթացների հետ կապված խնդիրները: Հարկավոր է ուշադրություն դարձնել անհարժեշտ սննդին և ռեժիմին:
Պետք է հրաժարվել մսից, երշիկեղենից, ճարպոտ ապուրներից, և նախապատվությունը տալ բանջարեղենին, մրգեղենին, կանաչեղենին, ձկնեղենին, կաթնեղենին և շիլաներին:
Եվ ամենակարևորը` հրաժարվել ալկոհոլից ու ծխախոտ օգտագործելուց:
