Հղիների մեծամասնությունը տառապում է այրոցից, բայց անվտա՞նգ է արդյոք դեղորայքի ընդունումը:

Պատասխանում է բժիշկ Մեննի Ալվարեզը Fox News Channel –ի Health News-ի գլխավոր խմբագիրը:

Այրոցը տարածված երեւույթ է հղիության շրջանում: Իրականում, հղիների գրեթե կեսից ավելին հաղորդում են այրոցի ծանր դրսեւորումների մասին հղիության երկրորդ եւ երրորդ եռամսյակների ընթացքում:

Հղիության ընթացքում այրոցը հաճախ առաջանում է հորմոնալ տեղաշարժերի պատճառով: Պրոգեստերոն հորմոնի մակարդակի ավելացումը թուլացնում է ստամոքսային փականը, որը սահմանազատում է ստամոքսի թթու պարունակությունը կերակրափողից:

Կարեւոր է, որ դուք հիշեք, որ որոշ անտացիդներ (թթվամարիչներ) կարող են խանգարել որոշ վիտամինների ներծծմանը, այդ թվում երկաթի, ինչը շատ կարեւոր է հղիության ժամանակ, քանի որ այն օգնում է հեմոգլոբինի սինթեզին, որն անհրաժեշտ է պլացենտային թթվածին հասցնելու համար:

Այրոցի դեմ գույություն ունի երկու տիպի դեղ՝ մի տեսակը չեզոքացնում է թթուն, իսկ մյուսը՝ նվազեցնում: Երկուսն էլ որպես կանոն անվտանգ են օգտագործման համար, եթե չչարաշահել: Բայց այս դեղերը պետք է օգտագործվեն միայն բուժման այլընտրանքային տարբերակների հետ: Ահա դրանցից հիմնականները.

Նուշ կերեք
Կոկոսի հյութ կամ կոճապղպեղի թեյ խմեք
Մեկ թեյի գդալ խնձորի քացախ խմեք
Բնական բույսեր օգտագործեք, օրինակ, կնձնի
Նստեք կամ կանգնեք ուտելուց հետո
Անկողնում բարձր դիրք ապահովեք գլխին եւ կրծքին
Սննդի օրագիր վարեք

Ինչ-որ դեղորայք ընդունելուց առաջ միշտ զրուցեք բժշկի հետ. նա կարող է օգնել օպտիմալ որոշում կայացնել ձեր եւ ձեր երեխայի համար՝ հիմնվելով ձեր հիվանդության պատմության վրա: