Ամերիկյան դատարանը բրիտանական դեղագործական GlaxoSmithKline ընկերությանը կպարտադրի վճարել տուգանք` 3 մլրդ դոլարի չափով, տեղեկացնում է Associated Press-ը:

Ընկերությունն իրեն մեղավոր է ճանաչել խարդախության և կեղծ տեղեկատվություն տարածելու համար:
GlaxoSmithKline–ը, չունենալով համապատասխան թույլտվություն, ամերիկյան շուկայում 18 տարեկանից ցածր անձանց վաճառել է մեծահասակների համար նախատեսված հակադեպրեսանտներ:
Վաճառված դեղամիջոցներից որևէ մեկը չի ունեցել ԱՄՆ սնունդի և դեղամիջոցների հանձնաժողովի համապատասխան արտոնագիրը:

Բացի այդ` կազմակերպությանը մեղադրանք է ներկայացվել այն բանի համար, որ նրանք փորձել են կաշառել բժիշկներին՝փոխարենն առաջարկելով օգտագործել իրենց արտադրանքը:

Ռեկորդային` 3մլրդ դոլարից 2մլրդ-ը կփոխանցվի Կոլորադոյի և Մասսաչուսեթս նահանգներին, ովքեր էլ դատի են տվել դեղագործական ընկերությանը: