Ավստրալիացի բժիշկները գրեթե ավարտին են հասցրել տղամարդկանց համար ոչ հորմոնալ հակաբեղմնավորիչ հաբերի ստեծման գործընթացը: Հետազոտության արդյունքները, որոնք հրապարակվել են Proceedings of the National Academy of Sciences ամսագրում, ցույց են տալիս, որ երկու սպիտակուցների պակասը մկների մոտ հանգեցնում է անպտղության, սակայն երկարաժամկետ հեռանկարում չի ազդում սպերմատոզոիդների կենսունակության, սեքսուալ պահվածքի և ընդհանրապես առողջ օրգանիզմի վրա:

«Մեդպորտալ.ռու»-ից տեղեկանում ենք, որ ուսումնասիրելով այդ տվյալները Մոնաշի համալսարանի գիտնականները որոշել են զբաղվել տղամարդկանց համար օրալ հակաբեղմնավորիչների ստեղծմամբ և ըստ նախնական տեղեկությունների, դրանք պատրաստ կլինեն մոտ տասը տարի անց:

Նշվում է, որ պլանավորվում է այնպիսի հակաբեղմնավորիչներ ստեղծել, որոնք ժամանակավոր ազդեցություն միայն կունենան, այսինքն` տղամարդու բոլոր ֆունկցիաները կվերականգնվեն այն պահից, երբ տղամարդն այլևս չի ընդունի հակաբեղմնավորիչները: