Դա վերաբերվում է 1-ին տիպի դիաբետին և այն երեխաներին, որոնք գենետիկական հակվածություն ունեն հիշյալ հիվանդության նկատմամբ:

Կոլորադոյի համալսարանի գիտնականների` 2000 երեխայի մասնակցությամբ անցկացրած հետազոտությունը, որի արդյունքները հրապարակված են «Journal of the American Medical Association» հանդեսում, պարզել է, որ գենետիկորեն դիաբետի հակված մանկան կերաբաժնում մինչև 4 ամսականը առաջին խիտ (ոչ ջրալի) սննդի հավելումը դիաբետով հիվանդանալու վտանգը մեծացնում է կրկնակի:

Միևնույն ժամանակ, եթե երեխայի ցանկությանը հակառակ կերակրումը (սիրաշահելով կամ ստիպելով) սկսել են կիրառել ոչ թե մինչև 6 ամսականը, այլ` ավելի ուշ, ապա վտանգն ուղղակի եռապատկվում է:

Այսպիսով` կերակրման ճիշտ ռեժիմը կարող է երեխային փրկել 1-ին տիպի դիաբետից: Հետազոտող Ջիլ Նորիսը գտնում է, որ դիաբետի հակված երեխաներին հավելյալ սնունդ տալու լավագույն ժամանակը 4-ից մինչև 5 ամսականն է: Ընդ որում` առաջարկվում է շեշտը դնել ցորենի և գարու վրա և շարունակել կրծքով կերակրելը…