Դեղերի նկարագրություն
Ինչով է օգտակար արմավը
Այս միրգը, որն ունի բազմաթիվ արժանիքներ, առաջինն օգտագործել են չինացիները:Արմավում հակաօքսիդանտների առկայությունը մարդու օրգանիզմին երաշխավորում է ազատ ռադիկալների հեռացում, որոնք անում են ամեն ինչ` մեզ ծերացնելու համար:
Բետա-կարոտինի բարձր պարունակությունն օգնում է աչքի և շնչառական օրգանների աշխատանքին հետևելուն, ինչպես նաև թոքերի քաղցկեղի առաջացմանն ու զարգացմանը խոչընդոտելուն: Ի դեպ` հակաքաղցկեղային պայքարի հատկություն ունի նաև արմավում առկա A վիտամինը:
Արմավը բնական հրաշալի դեղամիջոց է սիրտ-անոթային հիվանդություններով տառապողների համար, այն բուժական ազդեցություն ունի կալիումի պարունակության շնորհիվ: Բժիշկներն առաջարկում են միզաքարային հիվանդության դեպքում, օրվա սննդաբաժնում ավելացնել նաև արմավ, քանի որ այդ մրգում առկա մագնիումը խոչընդոտում է երիկամներում քարեր գոյանալուն:
Արյան մեջ հեմոգլոբինի ցածր մակարդակ ունեցողներին արմավն օգնում է արյան կազմը բարելավելուն` իր պարունակած երկաթի շնորհիվ, իսկ վիտամին C-ն ոչ միայն ամրապնդում է իմունիտետը, այլև բարելավում անոթների վիճակը:
Եվ վերջապես, արմավից կարելի է պատրաստել հիանալի դիմակներ, որոնք բարելավում են մաշկի վիճակն ու գույնը:
ՈՒշադրություն
Արմավը հակացուցված է շաքարային դիաբետով և ճարպակալումով տառապող անձանց` շաքարի բարձր պարունակության, ինչպես նաև ոչ վաղուց աղեստամոքսային ուղու վիրահատություն տարածներին` տանինի պարունակության պատճառով:
