Օրական 55 գրամ պանրի կամ նույնքան էլ յոգուրտի օգտագործումը նվազեցնում է երկրորդ տեսակի շաքարային դիաբետով հիվանդանալու ռիսկը: Այս մասին հայտնում է բրիտանական Daily Mail-ը` վկայակոչելով Դանիայի ու Մեծ Բրիտանիայի գիտնականների իրականացրած ուսումնասիրության արդյունքները, որոնք հրապարակվել են American Journal of Clinical Nutrition ամսագրում:

Հետազոտության հեղինակների խոսքով` օրական 55 գրամ պանրի կամ յոգուրտի օգտագործումը 12 %-ով նվազեցնում է երկրորդ տեսակի` ինսուլինակախյալ շաքարախտով հիվանդանալու հավանականությունը:


Գիտնականների ստացած արդյունքները հակասում են ժամանակակից դիետաներին, որոնք շաքարախտով հիվանդներին խորհուրդ են տալիս նվազեցնել կամ ամբողջությամբ բացառել բարձր յուղայնություն պարունակող մթերքների օգտագործումը: Սակայն հետազոտության հեղինակները հաստատում են, որ ոչ բոլոր ճարպոտ սննդամթերքն է հանգեցնում հիվանդության ռիսկի մեծացմանը: Բացի այդ, կաթնամթերքում պարունակվում են շաքարախտը կանխարգելող նյութեր:

Առաջին հիպոթեզի համաձայն` յոգուրտում առկա «պրոբիոտիկ» բակտերիաները նվազեցնում են արյան մեջ խոլեստերինի մակարդակը և օգնում օրգանիզմին վիտամիններ արտադրել հիվանդության կանխարգելման համար: Երկրորդ հիպոթեզով` կաթնամքերը հարուստ է վիտամին D-ով, կալցիումով ու մագնիումով:

Միևնույն ժամանակ, գիտնականները զգուշացնում են «չափը չանցնել»: