ԱՄՆ ռազմական գերատեսչության պատվերով աշխատող գիտնականները պիցցա են ստեղծել, որը կարելի է ուտել անգամ երեք տարի սառնարանից դուրս պահելուց հետո, գրում է lenta.ru-ն՝ հղում անելով Associated Press-ին:

«Դուք կարող եք երեք տարի պիցցան պահել բառի բուն իմաստով սեղանին, և այն միևնույն է ուտելի կլինի»,- հայտարարել են ԱՄՆ բանակի զինվորականների սարքավորումներով և սննդով զբաղվող գիտահետազոտական կենտրոնի ներկայացուցիչները:

«Հավերժական պիցցայի» ստեղծման համար պահանջվել է երկու տարի: Գլխավոր խնդիրը, որին բախվել են գիտնականները, այն էր, որ պիցցայի բաղադրիչների խոնավությունն անցնում էր խմորի մեջ, ինչը բորբոսի համար պայմաններ էր ստեղծում: Ավելորդ խոնավությունը վերացնելու համար գիտնականներն ավելացրել են «խոնավությանը հակազդող» ապրանքների պարունակությունը՝ շաքար, աղ և սիրոպ: