Չինաստանի Հուբեյ նահանգի դպրոցներից մեկը հիանալի լուծում է գտել ուսումնական գործընթացի ժամանակ աշակերտների տեսողությունը չփչացնելու ու պահպանելու համար։

Ինչպես նշում է Daily Mail-ը, տարրական դասարանների դասասենյակների սեղաններից յուրաքանչյուրի վրա տեղադրվել են շարժական մետաղական ձողեր, որոնք թույլ չեն տալիս աշակերտներին դասի ժամանակ չափից ավելի շատ մոտենալ գրքին կամ տետրին։

Դպրոցի տնօրենի կարծիքով՝ աչքերը գրքից ճիշտ հեռավորության վրա պահելու դեպքում, երեխաների տեսողությունը չի փչանում, և նրանք հետագայում տեսողության հետ կապված խնդիրներ չեն ունենա։